您好，歡迎來到HopeTrip旅行網！
作為一等一小酒鬼，出外公幹必定飲一兩杯借醉體察當地民情，哈哈。上次去日本沖繩縣石垣島同陽光玩遊戲，畀我發現到100% 石垣手工啤酒， 終極貼地，更驚見「海水」味啤！我立即捉住Model扮杯緣子，又飲又狂影相。
 重點是效法「斷片大師」吳幸美精神，我一次過試盡5種口味，睇下我個精選報告啦！唔止鼎鼎大名的Orion啤酒， 沖繩手工啤 都好爽YY啊！
精選3大口味 石垣島地ビ〡ル
1.「海味」無鹹有濕
海之味，即係咩味？售貨員講笑話是由石垣島海域透明度極高的海水，直入樽而製，真幽默。查實係以海洋清新之感為主調，抑制苦澀，小麥香馥，飲完亦不會喉乾，女孩子必愛！
辛：★★☆☆☆ 香：★★★★★
甜：★★★☆☆
2.酒道「小黑」妹
攝影師知我鍾情黑啤都大為驚訝，一向有飲開Murphy’s，對此款就更駕輕就熟，一點都不苦，但味道層次豐厚，最緊要唔酸，只是無咩泡泡爭啲，無計啦手工啤！
辛：★★★★★
香：★★★★☆
甜：★★☆☆☆
3.原味麥不可擋
麥芽味最濃，果香、回甘十分淡麗。Model就話有蜜瓜甜味，好有亞熱帶感覺，為多種口味中最平衡之選擇！
辛：★★★☆☆
香：★★★☆☆
甜：★★★★☆
TIPS!
石垣島地ビール三種口味都比較易入口，我個人喜歡麥芽甜味，首選原味最正！大家可以在大川商店街的手信小店就可買到，保鮮期60天，由於無化學防腐劑，購買後6小時內需冷藏。
1.菠蘿最夾 菠蘿加四季柑是3款中最Match，酸酸甜甜似Cocktail，有雜果賓治感覺。
甜：★★★★☆
2.櫻桃味伏
櫻桃味有少少伏，稍似藥水。粉紅色包裝最靚，當手信都好，宜睇不宜飲。
甜：★★★★★
3.檸汁解悶
最酸之選，檸水咁嘅效果，可解暑氣。
甜：★★★☆☆
|
市場價：NT$ 294
