您好，歡迎來到HopeTrip旅行網！
|
作為泰國最著名嘅遺跡，大城遺跡係一個對遊客或本地人都十分重要嘅地方，一來係體驗泰國文化最好嘅地方，二來對泰國嘅經濟發展同歷史都佔一重要地位，而且大城府位於曼谷附近，大家絕對值得花上一整日時間遊覽大城遺跡欣賞及了解歷史～
講少少背景懶人包俾大家聽啦，大城王國係暹羅年代第二主要城市，亦因為位於亞洲同歐洲中央而成為全世界貿易城市嘅龍頭，遠至葡萄牙近至日本都有貿易關係，真巴閉！佢嘅歷史價值仲於1991年受到UNESCO肯定，評為世界文化遺產添～
咁到底大城府有咩好睇呢？等我哋簡單介紹幾個必去嘅地方啦！
Wat Yai Chai Mongkon：寺廟建於1357年，係大城府保存得最好嘅古老廟宇，曾經係一個出名嘅冥想寺，行上廟頂仲會搵到絕佳風景一覽成個城市，而且仲有一個十分出名嘅戶外巨型臥佛！
Wat Chaiwatthanaram：最出名同壯觀嘅廟宇，曾經係國王舉行儀式嘅地方！
Wat Maha That：旅遊blogger最常介紹嘅地方，全因為一尊十分奇特嘅佛像，有幾奇特？因為佛像係生活係樹藤之間，同棵樹嘅根融為一體，變成樹中有佛佛中有樹，亦因為咁成為全城最出名嘅佛像喇！
當然仲有好多遺跡等各位發掘啦，大家準備好俾活生生嘅歷史包圍未？！
曼谷-大城交通指南 地址：Ayutthaya, Phra Nakhon Si Ayutthaya, Thailand
交通：1) 火車：Ayutthaya站 2)小巴：每半小時係Victory Monument Bangkok開出往Ayutthaya
 |
市場價：NT$ 1125
