法官判生活費維持不變 梅媽：3萬生活費做得乜

已故樂壇天後梅艷芳的92歲母親覃美金，因拖欠租金而被業主收回跑馬地單位，她早前到高院提出申請，要求從梅艷芳遺產中提取逾18.6萬元，以繳付搬遷費和租金。法官今在破產管理人不反對下，將梅媽現有每月5萬元生活費中的2萬元交予破產管理人，再由破產管理人代梅媽繳交每月3.6萬元租金，生活費維持不變。

戴上口罩的梅媽在男友人陪同下現身高等法院，問到為何不見仔仔梅啟明？梅媽即說：“各有各病。”在庭上梅媽兩度發爛表示三萬元生活費不夠：“點使呀？不如唔好畀我吖，跪街啦。”法官最後判梅媽生活費維持5萬港元，當中2萬元要支付新屋租金，由於新屋租金要3萬6千元，破產管理署沒有反對，會將新居租金合約開始連同生活費同時生效，並會額外多付1萬6千元作新屋租金，梅媽生活費將維持不變，梅媽即向法官發問：“可唔可以每月扣10萬畀我？”但遭法官拒絕，並說：“法官系執行法律，法律喺頭上，並非櫈下。”

梅媽不滿地離開法庭，大呻3萬元生活費不夠用，她說：“做得乜？食得乜？叫我唔好食呀？我依家食豬餿，要去買平菜、食平嘢。”隨即發晦氣說：“佢哋食我唔使食？以前12萬自己交租，乜都唔使欠，唔使求人。（因為基金冇乜錢先扣減你生活費？）賣樓賣完一間又一間，冇人簽紙都賣，冇錢？邊個使呀？最後一間賣到億幾，我一毫子分唔到。”接住又發爛說：“依家想祭我，即刻瞓著可以分錢，我一日喺度都分唔到。”

案件編號：HCMP 2981/2004