您好，歡迎來到HopeTrip旅行網！
|
》》》香港門票、線路暑假勁減 前情提要：十年前，《耿耿於懷》，麥浚龍（Juno）認識到新女友，但是還掛念愛看少女漫畫的前度；十年後，《念念不忘》，Juno明明同新歡一齊，但就是每晚發夢還掛念前度。誰知，一首《羅生門》，前度謝安琪（Kay）叫他別發夢，自己已經沒看漫畫，亦沒鍾意過哈囉吉蒂，「那動人時光，不用常回看」。 萬眾期待的Juno三部曲大結局，《雷克雅未克》終於出街，在冰島首都一家團聚。除了Juno，原來還同之前唱外傳《瑕疵》，扮演Juno現任女友的莫文蔚（Karen）有關。 15年前，黃偉文為Karen寫了首《北極光》，她就是當年Juno「剛識到的她」囉，可惜Juno對阿Kay念念不忘，Karen又對Juno耿耿於懷；只是估不到Karen原來多年前已經去冰島等一個他；Juno又碰巧希望同第二個如期團聚於冰島某地方。最後周國賢出現在福島，交代Juno這種癡情漢全世界都有。
作詞人黃偉文接受訪問，提到這首歌說：「第一，Juno同謝安琪呢段關係，之前三首歌已經講咗，呢隻歌寫到結尾，如果唔擺莫文蔚上去，佢好似變咗配角，其實佢係正印，所以想擺番莫文蔚落去，故仔最後揀冰島首都雷克雅未克，可以包番莫文蔚入去，因為2000年我幫莫文蔚寫《北極光》，我可以通過呢首歌，安排Juno去雷克雅未克謝安琪時，其實莫文蔚都去咗，所以呢個係揀冰島原因，將千絲萬縷拉埋一齊，咁樣完滿啲。」 Wyman繼續解釋：「第二點，點解最後會有周國賢出場，其實想交代Juno呢種癡情漢全世界都有，唔係得Juno，可能轉咗人選、地點，但情懷一樣，所以先搵另一個人——周國賢，另一個地點——福島講呢個故事，所以佢喺另一個地點出場，有少少感覺好似《阿飛正傳》嘅梁朝偉，佢哋都明白我想講呢樣嘢，我發現一樣嘢好有趣，佢哋專登用一把好似嘅聲錄呢首歌，難分難解近乎一樣，佢哋理解歌詞後，聲音有設計，所以好得意，首歌第一次聽分唔到邊個Juno邊個Endy。」 「第三點，當《雷克雅未克》歌名出來之後，有歌手打畀我呷醋同詐型，個歌手叫王菀之，其實係我唔好，我同王菀之都好鍾意雷克雅未克呢個地方，我哋去過亦好鍾意，有次我哋傾偈，我話幫佢寫首歌叫《雷克雅未克》關於冰島，難得成個樂壇得我同你鍾意冰島呢個地方，當時都未知Juno都好鍾意呢個地方，當王菀之知道我用呢個歌名，佢就打電話嚟詐型：『餵！你又話留返畀我嘅，搞錯呀！』自己係講過留番畀佢，但呢個情況之下，好適合擺雷克雅未克喺呢隻歌嘅結尾，自己20幾年嚟唯一一次反悔，真係對佢好唔好意思，欠佢一首好歌，賠番三首歌畀佢，起釘同利疊利先令皇後息怒。」 之前周國賢接受訪問，說自己只是唱最尾幾句，感覺似《阿飛正傳》的梁朝偉，最後出來梳個頭：「Juno叫我寫呢首歌嘅時候，佢話唔要一首好 standard嘅歌，叫我畀一首好癲嘅歌佢，佢話要好浪漫好多旋律，之後我send咗demo畀佢，但佢都嫌唔夠勁，佢話要再癲啲，我就大解放將畢生功力攞入歌裏面，出嚟超難唱，好似新浪漫古典音樂，好高音好長冇重複，好似歌劇嘅女高音，所以有冰島感覺。唔可以形容係流行曲，根本係藝術品，我寫咗兩、三個月，當時多倫多落緊雪，o依家寫唔番意境。」 《雷克雅未克》歌詞 主唱：麥浚龍 Feat. 周國賢 還請你兌現約定 飛到為我破冰 冒雪獨自踏故城 北歐式配樂 靈動而冷靜 北極裡有一束光 你話留來伴我望 還是我自困空想之中 未熄的熱情用十年來放送 北極裡有一束光 你話留來伴我望 或我自負又氣盛 冰島的約會純屬場錯認 請你兌現約定 飛到伴我看星 |
市場價：NT$ 876
