您好，歡迎來到HopeTrip旅行網！
|
五月天今年於5月22至30日假紅館舉行七場演唱會，多年來個唱門票總被搶購一空，黃牛黨更趁機搵銀，令「五迷」鼓譟大呻一票難求，不惜去信台灣向偶像投訴。雖然5月個唱門票今日始作信用卡預先訂購，惟網上瘋傳一名「Kathleen」的網友，揚言可以幫fans作內部認購，開出每張數百至千多元手續費，涉嫌炒黃牛飛。
每票另加$570元
「Kathleen」留下電話及通訊方法，列明「定價每張另加$570」、「位置前，可放心」等利誘「五迷」落疊，又寫上「字母位/握手位價錢另議」，記者「放蛇」嘗試致電對方但已停止服務，後透過Line與對方聯絡上，對方保證有飛之餘並說：「以往成功做過好多場concert（演唱會）。（一定係靚位？）當然。」說到如何交收門票，Kathleen聲言「先落訂$980元一張（入戶口），尾數見面畀。」更隨即表示尾數（指手續費）價錢：「數字位$570、字母位$1,300、握手位$1,800。」最後還留下入數銀行戶口號碼。
據知，疼錫歌迷的五月天得悉過去有人從中取利，要歌迷捱貴飛，今次與主辦單位簽約時列明個唱七成門票作公開發售，去年信用卡預先訂票手續費每張$20，今年卻加到每張$30，更限每張信用卡只能購買六張飛，門票公開發售為本月20日，每人限買四張。五月天香港歌迷組織亦呼籲「五迷」自行購買個唱門票，不作內部訂飛。主辦單位發言人直指黃牛黨過分，他說：「我都想知啲飛邊度嚟？問邊個主辦單位買？我哋內部認購已經over萬幾張飛。」並呼籲「五迷」不要買黃牛飛，對付黃牛黨可會採取行動？發言人說：「情況嚴重的話不排除報警處理。」
 台灣超級天團五月天（資料圖） 經理人斥冇人性
而五月天經理人謝小姐強調一直設法杜絕炒黃牛飛情況：「往年開始門票要有六、七成公開發售，亦限制每位歌迷只能買四張飛。（有黃牛加收$1,800元手續費？）好沒有人性，傷害喜歡五月天歌迷的心。」另外，將於本月28日假會展舉行的《第四屆香港亞洲流行音樂節》因邀得日本女星酒井法子、韓國組合Big Bang成員勝利、台灣歌手吳克羣及楊千嬅等巨星演出，雖是免費派飛，但恐怕會像往年出現轉手炒賣情況，籌委會主席吳雨說：「今次係上網登記再抽籤，中籤會登記埋座位，如果有人炒黃牛，捉到一定追究到底！」
五月天演唱會情景（資料圖） 訂票收手續費
近年不少演唱會主辦單位內部訂飛都另收手續費，原因作內部認購要聘請一班專人分飛及做聯絡工作，不過就要視乎情況而收取費用$10至$20元不等。其實另收手續費在外國的演唱會非常流行，之前香港不少演唱會都收過$20手續費，如陳奕迅、周杰倫及陳綺貞等。 来源：东方日报 |
市場價：NT$ 876
